2015 جىلعى 26 ناۋرىز, استانا قالاسى
قازاقستان رەسپۋبليكاسىنىڭ ازاماتتىق اۋە كەمەلەرىنىڭ ۇشۋىن ورنيتولوگيالىق قامتاماسىز ەتۋ قاعيدالارىن بەكىتۋ تۋرالى
«قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» 2010 جىلعى 15 شىلدەدەگى قازاقستان رەسپۋبليكاسى زاڭىنىڭ 14-بابى 1-تارماعىنىڭ 41-46) تارماقشاسىنا سايكەس بۇيىرامىن:
1. قوسا بەرىلىپ وتىرعان قازاقستان رەسپۋبليكاسىنىڭ قازاقستان رەسپۋبليكاسىنىڭ ازاماتتىق اۋە كەمەلەرىنىڭ ۇشۋىن ورنيتولوگيالىق قامتاماسىز ەتۋ قاعيدالارى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ازاماتتىق اۆياتسيا كوميتەتى (ب.ك. سەيداحمەتوۆ):
1) وسى بۇيرىقتىڭ زاڭنامادا بەكىتىلگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇننىڭ ىشىندە ونىڭ كوشىرمەلەرىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جىبەرۋدى;
3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبيكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋدى وزىمە قالدىرامىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترىنىڭ
مىندەتىن اتقارۋشى ج.قاسىمبەك
«كەلىسىلدى»
قازاقستان رەسپۋبليكاسىنىڭ
ۇلتتىق ەكونوميكا ءمينيسترى
ە.ا.دوساەۆ _________________
2015 جىلعى 22 ماۋسىم «كەلىسىلدى»
قازاقستان رەسپۋبليكاسىنىڭ
اۋىل شارۋاشىلىق ءمينيسترى
ا. س.مامىتبەكوۆ_____________
2015 جىلعى 22 مامىر
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ
2015 جىلعى 26 ناۋرىزداعى №323 بۇيرىعىمەن بەكىتىلگەن
قازاقستان رەسپۋبليكاسىنىڭ ازاماتتىق اۋە كەمەلەرىنىڭ ۇشۋىن ورنيتولوگيالىق
قامتاماسىز ەتۋ قاعيدالارى
1. جالپى ەرەجەلەر
1. وسى قازاقستان رەسپۋبليكاسىنىڭ ازاماتتىق اۋە كەمەلەرىنىڭ ۇشۋىن ورنيتولوگيالىق قامتاماسىز ەتۋ قاعيداسى (بۇدان ءارى – قاعيدا) حالىقارالىق ازاماتتىق اۆياتسيا ۇيىمىنىڭ (بۇدان ءارى – يكاو) ستاندارتتارىن جانە ۇسىنىمدارىن ەسكەرە وتىرىپ, «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسىنىڭ زاڭىنا سايكەس ازىرلەندى, قازاقستان رەسپۋبليكاسىنىڭ ازاماتتىق اۋە كەمەلەرىنىڭ ۇشۋىن ورنيتولوگيالىق قامتاماسىز ءتارتىبىن ايقىندايدى جانە قازاقستان رەسپۋبليكاسىنىڭ بارلىق ازاماتتىق اۆياتسيا ۇيىمدارىنا قولدانىلادى.
2. قازاقستان رەسپۋبليكاسىنىڭ ازاماتتىق اۆياتسياسىندا ۇشۋدى ورنيتولوگيالىق قامتاماسىز ەتۋ ءتارتىبى:
1) ۇشۋدى ورنيتولوگيالىق قامتاماسىز ەتۋدى ۇيىمداستىرۋ ءتارتىبىن;
2) قۇستاردىڭ شوعىرلانۋىن تۋعىزاتىن جاعدايلاردى ايقىنداۋدى جانە جويۋدى.
3. وسى قاعيدادا پايدالانىلاتىن نەگىزگى تەرميندەر مەن انىقتامالار:
1) اۆياتسيالىق ورنيتولوگيا - ۇشۋدىڭ قاۋىپسىزدىگىن قامتاماسىز ەتۋگە قاتىستى بولىگىندە فاۋنانى, ەكولوگيانى, قۇستاردىڭ قارەكەتىن جانە ءورىسىن زەردەلەۋمەن, سونداي-اق قۇستاردىڭ اۋە كەمەلەرىنە سوقتىعىسۋىنىڭ الدىن الۋ جونىندەگى ءىس-شارالاردى ازىرلەۋمەن جانە جۇزەگە اسىرۋمەن اينالىساتىن جالپى ورنيتولوگيانىڭ قولدانبالى ءپانى;
2) ورنيتولوگيالىق جاعداي - قانداي دا ءبىر ۋاقىت ارالىعىندا قۇستاردىڭ جەردە (سۋدا) جانە اۋە كەڭىستىگىندە بولۋى;
3) ۇشۋدى ورنيتولوگيالىق قامتاماسىز ەتۋ - قۇستاردىڭ اۋە كەمەلەرىنە سوقتىعىسۋىن بولدىرماۋعا باعىتتالعان ءىس-شارالار كەشەنى;
4) قۇستار توبى - ۇزاق ۋاقىت كەزەڭى ىشىندە ورتاق تىرشىلىك ەتۋ كەڭىستىگىنە يە بولاتىن داراقتار جيىنتىعى.
4. ۇشۋدى ورنيتولوگيالىق قامتاماسىز ەتۋ جونىندەگى ءىس-شارالار جوسپارىن ۇشۋدى ورنيتولوگيالىق قامتاماسىز ەتۋگە جاۋاپتى اۋەايلاق پايدالانۋشىسىنىڭ قىزمەتى ازىرلەيدى.
5. ءىس-شارالار جوسپارى اۋەايلاقتا جانە وعان جاقىن اۋماقتاردا قۇستاردىڭ شوعىرلانۋىن تۋعىزاتىن جاعدايلاردى ايقىنداۋ جانە جويۋ جونىندەگى ءىس-شارالاردى, اۆياتسيالىق-ورنيتولوگيالىق تاقىرىپ بويىنشا اۋەجاي قىزمەتكەرلەرىمەن ساباقتار وتكىزۋدى جانە اۋەجاي جۇمىسىنىڭ ەرەكشەلىگى مەن جەرگىلىكتى ورنيتولوگيالىق جاعدايعا نەگىزدەلگەن وزگە دە ءىس-شارالاردى قامتيدى.
6. اۋەجايدا شتاتتىق ورنيتولوگتار جانە ورنيتولوگيالىق قامتاماسىز ەتۋگە جاۋاپتى ادامدار ءۇش جىلدا كەمىندە ءبىر رەتتەن سيرەتپەي مامانداندىرىلعان كۋرستاردا مىندەتتى بىلىكتىلىكتى ارتتىرۋدان ءوتۋى ءتيىس.
7. اۋەجايدىڭ اۆياتسيالىق ورنيتولوگيا جونىندەگى مامانى مىنالاردى جۇزەگە اسىرادى:
1) وسى قاعيداعا سايكەس ۇشۋدى ورنيتولوگيالىق قامتاماسىز ەتۋ بويىنشا جالپى باسشىلىق;
2) اۆياتسيالىق ورنيتولوگيا ماسەلەلەرى بويىنشا اۋەجاي قىزمەتتەرىنىڭ اراسىندا تىكەلەي ءوزارا ءىس-قيمىلدى ۇيىمداستىرۋ;
3) ورنيتولوگيالىق جاعدايدى تالداۋ جانە بولجاۋ;
4) ءتيىستى بولىمشەلەر باسشىلارىنا جانە ۇشۋ قۇرامىنا اۋەايلاقتاعى ورنيتولوگيالىق جاعداي تۋرالى اقپارات بەرۋ;
5) اۋەجايدىڭ قىزمەتكەرلەرىمەن اۆياتسيالىق ورنيتولوگيا بويىنشا ساباقتار مەن كونسۋلتاتسيالار وتكىزۋ;
6) اك-گە قۇستاردىڭ سوقتىعىسۋىن بولدىرماۋ جونىندەگى شارالاردىڭ دۇرىس جانە ۋاقتىلى قابىلدانۋىن باقىلاۋ.
8. پراكتيكالىق ءىس-شارالاردى ورىنداۋعا ازاماتتىق اۆياتسيا ۇيىمىنىڭ باسشىسى اۋەايلاق قىزمەتىنىڭ (بۇدان ءارى – اق), اۆياتسيالىق قاۋىپسىزدىك قىزمەتىنىڭ (بۇدان ءارى - اقق) قىزمەتكەرلەرىن, ۇشۋ قاۋىپسىزدىگى جونىندەگى ينسپەكتوردى (بۇدان ءارى - ۇقي), ۇشۋدى ىزدەستىرۋ, اۆاريالىق-قۇتقارۋمەن قامتاماسىز ەتۋ قىزمەتتەرىن (بۇدان ءارى - ۇىاققق) جانە ازاماتتىق اۆياتسيا ۇيىمىنىڭ باسقا قىزمەتكەرلەرىن تارتادى.
9. ءتيىستى اۋە قوزعالىسىنا قىزمەت كورسەتۋ ديسپەتچەرلەرىنە (بۇدان ءارى – اقق), اۋەايلاق, اۆياتسيالىق قاۋىپسىزدىك, ينجەنەرلىك-اۆياتسيالىق جانە اۋەجايدىڭ باسقا دا قىزمەتتەرىنىڭ قىزمەتكەرلەرىنە اۆياتسيالىق ورنيتولوگيا بويىنشا ساباقتاردى اۋەايلاق قىزمەتىنىڭ باستىعى ۇيىمداستىرادى جانە ادەتتە جىلدىڭ كوكتەمگى جانە كۇزگى مەزگىلىنىڭ الدىندا تەحنيكالىق وقۋ ساعاتتارىندا وتكىزىلەدى.
10. اۆياتسيالىق ورنيتولوگيا بويىنشا ساباقتاردا مىناداي ماسەلەلەر زەردەلەنەدى:
1) اۋەايلاق اۋدانىندا ءارتۇرلى جىل ماۋسىمدارىنداعى ورنيتولوگيالىق جاعدايدىڭ ەرەكشەلىكتەرى: ء(تۇر قۇرامى, اۋە كەمەلەرىنىڭ ۇشۋى ءۇشىن قاۋىپ توندىرەتىن قۇستاردىڭ توپتالۋى جانە ۇشىپ ءوتۋدىڭ نەگىزگى مارشرۋتتارى);
2) وسى اۋەايلاقتا اۋە كەمەسىنە قۇستاردىڭ سوقتىعىسۋ جاعدايلارىن جىل ماۋسىمدارى, تاۋلىك كەزەڭدەرى, بيىكتىكتەر بويىنشا بولۋ;
3) اۋەايلاقتا ۇشۋدى ورنيتولوگيالىق قامتاماسىز ەتۋدى ۇيىمداستىرۋ;
4) اۋەايلاق اۋدانىندا ورنيتولوگيالىق جاعدايدى كوزبەن شولىپ جانە راديولوكاتسيالىق باقىلاۋ;
5) اۋەايلاق اۋدانىندا قۇستاردىڭ شوعىرلانۋىن تۋدىراتىن جاعدايلاردى جويۋ;
6) ۇشىپ كەلە جاتقان ەكيپاجدىڭ اۋە كەمەسىنە قۇستاردىڭ سوقتىعىسۋ مۇمكىندىكتەرىن جانە قاۋىپ-قاتەرىن ازايتۋ جونىندەگى ءىس-قيمىلى;
7) اۋە كەمەلەرىنە قۇستاردىڭ سوقتىعىسۋ سالدارى (ماتەريالدىق زالال, ۇشۋداعى قاۋىپتى جاعدايلار).
2. ۇشۋدى ورنيتولوگيالىق قامتاماسىز ەتۋدى ۇيىمداستىرۋ ءتارتىبى
11. ۇشۋدى ورنيتولوگيالىق قامتاماسىز ەتۋدى ۇيىمداستىرۋ ءتارتىبى مىنالاردى قامتيدى:
1) ۇشۋدى ورنيتولوگيالىق قامتاماسىز ەتۋدى تالداۋ;
2) جاقىن اۋماقتا قۇستاردىڭ شوعىرلانۋىن تۋعىزاتىن جاعدايلاردى انىقتاۋ جانە جويۋ;
3) ۇشۋدى ورنيتولوگيالىق قامتاماسىز ەتۋگە قاتىساتىن اۋەجاي قىزمەتكەرلەرىمەن, اۆياكومپانيالاردىڭ پيلوتتارىمەن اۆياتسيالىق-ورنيتولوگيالىق تاقىرىپ بويىنشا ساباقتار وتكىزۋ.
12. اۋە كەمەلەرىنە قۇستاردىڭ سوقتىعىسۋىنىڭ الدىن الۋ بويىنشا ۇشۋدى ورنيتولوگيالىق قامتاماسىز ەتۋ جونىندەگى مامان جىل باسىندا ۇشۋدى ورنيتولوگيالىق قامتاماسىز ەتۋگە تالداۋدى جۇرگىزەدى, ول مىنالاردى قامتيدى:
1) اۋەايلاقتا جانە وعان جاقىن اۋماقتا قۇستاردىڭ توپتالۋى مەن ۇشىپ ءوتۋ مەرزىمدەرى مەن ورىندارىن ەكولوگيالىق-ورنيتولوگيالىق تەكسەرۋ, كوزبەن شولىپ جانە راديولوكاتسيالىق باقىلاۋ جانە ورنيتولوگيالىق تەكسەرۋ ناتيجەلەرى بويىنشا ناقتىلاۋ;
2) اۋەايلاق اۋدانىندا قۇستاردىڭ شوعىرلانۋ جانە جاپپاي ۇشىپ ءوتۋ سەبەپتەرىن ناقتىلاۋ;
3) اۋە كەمەلەرىنە قۇستاردىڭ سوقتىعىسۋىنىڭ نەعۇرلىم ءجيى قايتالاناتىن جاعدايلارىن (اۋە كەمەلەرىنىڭ ۇلگىسى, ۇشۋ بيىكتىگى جانە جىلدامدىعى, سوقتىعىسۋ ورنى, قۇستاردىڭ ءتۇرى, تاۋلىك پەن جىلدىڭ ۋاقىتى) انىقتاۋ;
4) سوقتىعىسۋ سالدارىن (اۋە كەمەلەرى زاقىمدانۋىنىڭ سانى مەن سيپاتى, اۋە كەمەلەرىن جوندەۋدەن, تۇرىپ قالۋدان, كىدىرتۋدەن, توقتاتىلعان ۇشۋلاردان جانە ءماجبۇرلى قونۋلاردان بولعان ماتەريالدىق زالال) انىقتاۋ;
5) اۋە كەمەلەرىن قۇستارمەن سوقتىعىسۋدان قورعاۋ شارالارىن ورىنداۋ بويىنشا ازاماتتىق اۆياتسيا ۇيىمدارىنىڭ قىزمەتتەرى مەن بولىمشەلەرىنىڭ قىزمەتىن تالداۋ.
13. اۋە كەمەلەرىنە قۇستاردىڭ سوقتىعىسۋى تۋرالى دەرەكتەر سوقتىعىسۋلاردىڭ تالداناتىن قاعيداعا 1-قوسىمشاعا سايكەس نىسان بويىنشا جاسالعان اۋەايلاقتاعى ورنيتولوگيالىق جاعداي جۋرنالىنا ەنگىزىلەدى.
قۇستاردىڭ توپتالۋى جانە ۇشىپ ءوتۋى, سونداي-اق ولاردىڭ سەبەپتەرى تۋرالى تالداۋ ۋاقىتى كەزەڭىندە الىنعان بارلىق قوسىمشا مالىمەتتەر ءتيىستى سحەما-كارتالارعا, دياگراممالارعا, گرافيكتەرگە جانە كەستەلەرگە ەنگىزىلەدى.
14. اۋەايلاقتاردا كوزبەن شولىپ ورنيتولوگيالىق باقىلاۋدى اقق ديسپەتچەرلەرى نەمەسە شتاتتاعى اۆياتسيالىق ورنيتولوگ جۇزەگە اسىرادى. مۇنداي قاداعالاۋ اۋە كەمەلەرىنىڭ ۇشۋ جانە قونۋعا بەت الۋ سەكتورلارى شەگىندە ۇشۋ جانە قونۋعا بەت الۋى كەزىندە تۇراقتى جۇرگىزىلەدى. ورنيتولوگيالىق باقىلاۋ بارىسىندا ۇقج جانە وعان جاقىن ۇشۋ الاڭىنىڭ اۋماعى قارالادى.
15. ۇشۋ جانە قونۋعا بەت الۋ سەكتورىندا قۇستاردىڭ توپتالۋى كوزبەن شولىپ انىقتالعان كەزدە, سونداي-اق تىلشىدەن (اۋە كەمەسىنىڭ ەكيپاجى, اق, اقق, ۇقي, ۇىاققق جانە ت.ب.) اقق ديسپەتچەرىنە اقپارات كەلىپ تۇسكەن جاعدايدا, اقق ديسپەتچەرى وسى اقپاراتتى بارلىق مۇددەلى پايدالانۋشىلارعا قوزعالىس قىزمەتى ديسپەتچەرلەرىنىڭ جۇمىس تەحنولوگياسىنا سايكەس حابارلايدى.
16. پراكتيكالىق ءىس-شارالاردى ورىنداۋعا ازاماتتىق اۆياتسيا ۇيىمىنىڭ باسشىسى اۋەايلاق قىزمەتىنىڭ (بۇدان ءارى - اق), اۆياتسيالىق قاۋىپسىزدىك قىزمەتىنىڭ (بۇدان ءارى - اقق) قىزمەتكەرلەرىن, ۇشۋ قاۋىپسىزدىگى جونىندەگى ينسپەكتوردى (بۇدان ءارى - ۇقي), اۆاريالىق-قۇتقارۋ قىزمەتىنىڭ (بۇدان ءارى - اقق) جانە ازاماتتىق اۆياتسيا ۇيىمىنىڭ باسقا دا قىزمەتكەرلەرىن تارتادى.
17. اۋەجايدىڭ باسشىسى:
1) اۋەايلاقتى جانە اۋەايلاق ماڭىنداعى اۋماقتى ەكولوگيالىق-ورنيتولوگيالىق تەكسەرۋدى وتكىزۋدى;
2) اۋەجايدىڭ ورنيتولوگيالىق باعدارلاماسىن ازىرلەۋدى جانە ەنگىزۋدى;
3) اۋەايلاقتان قۇستاردى ۇركىتۋ ءۇشىن ورنيتولوگيالىق توپ قۇرۋدى;
4) اۋە كەمەسىنە قۇستاردىڭ سوقتىعىسۋىن بولدىرماۋ جونىندە اۋەايلاق اۋدانىندا قاجەتتى جۇمىستاردى جۇرگىزۋ ءۇشىن كەز كەلگەن مەنشىك نىسانىنداعى ۇيىمدارمەن شارت جاساسۋدى, ورنيتولوگيالىق قامتاماسىز ەتۋدى جاقسارتۋ بويىنشا جاڭا, ءتيىمدى ادىستەردى پراكتيكاعا ەنگىزۋدى;
5) اۋە كەمەسىنە قۇستاردىڭ سوقتىعىسۋىن بولدىرماۋعا باعىتتالعان جۇمىستار مەن ءىس-شارالاردى وتكىزۋ كەزىندە مەملەكەتتىك ورگاندارمەن جانە ۇيىمدارمەن ءوزارا ءىس-قيمىل جاساۋدى, ورنيتولوگيالىق قامتاماسىز ەتۋدى جاقسارتۋ بويىنشا جاڭا, ءتيىمدى ادىستەردى پراكتيكاعا ەنگىزۋدى;
6) ازاماتتىق اۆياتسيانىڭ باسقا ۇيىمدارىمەن اۆياتسيالىق ورنيتولوگيالىق ماسەلەلەر بويىنشا ءوزارا ءىس-قيمىلدى;
7) ۇشۋدى ورنيتولوگيالىق قامتاماسىز ەتۋدى جانە اۋەايلاق اۋدانىندا ورنيتولوگيالىق جاعدايدى جاقسارتۋ بويىنشا ءىس-شارالار ازىرلەۋدى;
8) اۋەجايدىڭ اينالاسىندا قوسالقى شارۋاشىلىقتار قۇرۋدى نەمەسە كەڭەيتۋدى باقىلاۋدى;
9) اۋەجايدىڭ اۋماعىندا اۋىل شارۋاشىلىعى جۇمىستارىنىڭ بولماۋىن باقىلاۋدى ۇيىمداستىرادى;
10) جىل سايىن قۇستار تۋدىراتىن قاۋىپ-قاتەرلەر جانە ولاردى ازايتۋ ادىستەرىنىڭ ماسەلەلەرى بويىنشا يكاو تالاپتارىنا سايكەستىگىنە اۋديت وتكىزىلەدى.
18. اۋەايلاقتىڭ ۇشۋ باسشىسى اۋەايلاقتىڭ ۇقج اۋدانىنداعى ورنيتولوگيالىق جاعدايدىڭ قيىنداعانى تۋرالى اق, اقق, ۇقي باياندامالارى مەن اقپاراتى نەگىزىندە ۇشۋدى توقتاتۋ, شەكتەۋ نەمەسە جاڭارتۋ تۋرالى شەشىم قابىلدايدى.
اۋەايلاقتا نەمەسە اۋەايلاق اۋدانىندا قۇستاردىڭ شوعىرلانۋى پايدا بولعان جاعدايدا اقق ديسپەتچەرى اقق قىزمەتكەرلەرىنە قۇستاردى ۇركىتۋدى جۇرگىزۋگە ءتيىستى نۇسقاۋ بەرەدى, سونداي-اق وسى قاعيداعا 2-قوسىمشاعا سايكەس سحەما بويىنشا اۋەايلاقتا قۇستاردىڭ بولۋى تۋرالى اۋە كەمەلەرى ەكيپاجدارىنا ەسكەرتەدى.
3. قۇستاردىڭ شوعىرلانۋىن تۋعىزاتىن جاعدايلاردى انىقتاۋ جانە جويۋ ءتارتىبى
19. اۋەجايدى اۋەايلاقتىق قامتاماسىز ەتۋ قىزمەتىنىڭ قىزمەتكەرلەرى ۇشىپ كوتەرىلۋ-قونۋ جولاعىندا (بۇدان ءارى - ۇقج) قۇستاردىڭ شوعىرلانۋىن تۋعىزعان جاعدايلاردى انىقتايدى جانە جويادى, اۋە كەمەسى سوققان, ۇقج-دان جانە ونىڭ ماڭىنان تابىلعان قۇستاردىڭ سۇيەكتەرىن جينايدى جانە انىقتايدى.
20. اۋەجايدىڭ اقق اقب ديسپەتچەرىنەن قۇستاردىڭ توپتالۋى تۋرالى حابارلامانى العان سوڭ اۋەايلاقتىڭ اۋە كەمەلەرىنە ىقتيمال قاۋىپ-قاتەر توندىرەتىن قۇستار تابىلعان اۋماعىنا دەرەۋ شىعادى.
اتىس قارۋى, پيروتەحنيكالىق قۇرالدار, جارىق ارقىلى سيگنال بەرەتىن راكەتنيتسالار ارقىلى اۋەايلاق اۋماعىنان قۇستاردى ۇركىتۋ جونىندەگى ارەكەتتەردى اۋە كەمەلەرىنىڭ قوزعالىسىنا قۇستار قاتەر توندىرمەيتىن ساتكە دەيىن جۇرگىزەدى.
قۇستاردىڭ توپتالىپ جينالاتىن جاعدايلارىندا كوكتەمگى-جازعى-كۇزگى كەزەڭدەردە وق-دارىلەردىڭ جەتكىلىكتى مولشەرى بار اتقىشتار مىناداي جەرلەردە:
1) قونۋ نۇكتەسىندە, ۇشىپ كوتەرىلۋ نۇكتەسىندە جانە اۋە كەمەسىندە (ۇشۋ جولاعىنان تىس);
2) اقق ديسپەتچەرىنىڭ «توقتا» دەگەن كومانداسىنا دەيىن رۋلدەۋ جولدارىنىڭ ۇشۋ-قونۋ جولاعىنا قيىلىسقان جەرلەردە قويىلادى.
21. قۇستاردىڭ شوعىرلانۋىن تۋعىزاتىن جاعدايلاردى جويۋ جونىندەگى ءىس-شارالاردىڭ بارلىعى:
1) اۋەايلاقتاردا جۇرگىزىلەتىن;
2) اۋەايلاق ماڭى اۋماعىندا جۇرگىزىلەتىن دەگەن توپتارعا بولىنەدى.
22. اۋەايلاقتاردا قۇستاردىڭ شوعىرلانۋ سەبەپتەرىن اق قىزمەتكەرلەرى نەمەسە ورنيتولوگ-ماماندار جويادى.
23. اۋەايلاقتاردا جۇرگىزىلەتىن نەگىزگى ءىس-شارالاردىڭ قاتارىنا:
1) ۇقج ماڭىندا قۇستاردى ۇيا جاساۋعا, دەمالۋعا جانە تۇنەۋگە تارتاتىن اعاشتار مەن بۇتالاردى كەسۋ;
2) اۋەايلاقتاعى ءشوپ جابىندىسىن وڭتايلى بيىكتىككە دەيىن شابۋ;
3) قۇستاردىڭ اۋەايلاقتاعى انگار-قۇرىلىستاردا جانە باسقا دا عيماراتتاردا ۇيا سالۋ مۇمكىندىگىن ازايتۋ;
4) اۋەايلاقتاعى ىلعالدانعان جانە باتپاقتى ۋچاسكەلەردە مەليوراتسيالىق جۇمىستار, ولاردى قۇرعاتۋ جانە كومۋ;
5) تاماق قالدىقتارىن جابىق كونتەينەرلەردە ساقتاۋ ارقىلى ۇشاق جانە اۋەايلاق اسۇيلەرىنىڭ, اۋەجاي مەيرامحاناسى مەن اسحانالارىنىڭ تاماق قالدىقتارىنا كىرۋىن بولدىرماۋ, قالدىقتاردى قۇستار كىرمەيتىن جابىق ءۇي-جايلاردا تولىق كادەگە جاراتۋ;
6) قۇس اۋلاۋعا ارنالعان تۇزاقتار ورناتۋ;
7) قۇستار شوعىرلاناتىن جەرلەردە قۇستاردىڭ ءولى دەنەلەرى مەن ت ۇلىپتارىن قويۋ;
8) اۋەايلاق اۋماعىن قۇستاردى وزىنە تارتاتىن اۋىل شارۋاشىلىعى داقىلدارى ءۇشىن پايدالانۋعا جول بەرمەۋ;
9) اۋەايلاق اۋماعىندا قۇستاردى وزىنە تارتاتىن جاندىكتەرگە قارسى حيميالىق وڭدەۋ جۇرگىزۋ;
10) قۇستار ۇيا سالا باستاعاندا قۇستاردىڭ ۇياسى توپتاسىپ ورنالاسقان اعاشتاردىڭ جوعارعى بۇتاقتارىن كەسۋ نەمەسە ۇيالاردى سۋاتقىشتاردىڭ كومەگىمەن بۇزۋ;
11) اۋەايلاقتىڭ باقىلاۋ نۇكتەسىنەن ون بەس كيلومەتردەن جاقىن قاشىقتىقتا تاعام قالدىقتارىن تاستايتىن ورىنداردى, اڭ ءوسىرۋ فەرمالارىن, قاساپحانالاردى جانە قۇستاردى وزىنە تارتۋمەن جانە ولاردىڭ توپتالىپ جينالۋىمەن ەرەكشەلەنەتىن باسقا دا وبەكتىلەر قۇرىلىسىن ورنالاستىرۋعا تىيىم سالۋ;
12) اۋەايلاقتان 15 كيلومەتر راديۋستا تاعام قالدىقتارىن جويۋ/تاستاۋدى بولدىرماۋ نەمەسە ولاردى قۇستار شوعىرلانعان جەرلەردەن قوقىسقا ۇشاتىن قۇستار ۇقج-نى جانە وعان باراتىن جولداردى كەسىپ وتپەيتىندەي ەسەپپەن باسقا جاققا كوشىرۋ;
13) اۋەايلاقتىڭ اينالاسىنداعى ءداندى داقىلدار ەگىلگەن اۋىل شارۋاشىلىعى القاپتارىن تەك قانا تۇنگى ۋاقىتتا جىرتۋ جانە قايتا جىرتۋ;
14) ۇساق قۇستاردىڭ كوپ مولشەرىن تارتۋدى بولدىرماۋ ءۇشىن اۋەايلاق ماڭىندا مال جايۋعا تىيىم سالۋ;
15) اۋەايلاق ماڭىنداعى اۋماق ارقىلى ۇشىپ وتەتىن قۇستاردىڭ شوعىرلانۋ ورنى بولىپ تابىلاتىن اۋەايلاق ماڭىنداعى ۇساق سۋ ايدىندارىن قۇرعاتۋ;
16) قۇستاردىڭ جاپپاي ۇيا سالۋ, دەمالۋ جانە تۇنەۋ ورنى بولىپ تابىلاتىن اۋەايلاق ماڭىندا ورنالاسقان سۋ ايدىندارىندا جاعالاۋ ماڭىنداعى بيىك وسىمدىكتەردى كەسۋ جاتادى.
24. اۋەايلاقتاردان قۇستاردى ۇركىتۋ ءارتۇرلى قۇرالداردىڭ (بيواكۋستيكالىق قوندىرعىلاردىڭ, قارۋلاردىڭ, راكەتنيتسانىڭ, پيروتەحنيكالىق قۇرالداردىڭ, پنەۆماتيكالىق تاپانشانىڭ, مەحانيكالىق ۇركىتكىشتىڭ, اينالى شارلاردىڭ, لازەرلى قوندىرعىلاردىڭ, ءولى قۇستار دەنەسىنىڭ, شىتىرلاقتىڭ, گازدى زەڭبىرەكتىڭ, جىرتقىش قۇستار ماكەتىنىڭ, ءورت ءسوندىرۋ ماشينالارىنىڭ, جالاۋشالاردىڭ جانە وزگە دە قۇرالداردىڭ) كومەگىمەن جۇرگىزىلەدى.
25. اۋەايلاقتاردا قۇستاردى اۋلاۋ تۇزاقپەن, اۋلارمەن, ورمەك اۋلارمەن, قاقپانمەن, ۇيىقتاتاتىن زاتتارمەن جانە باسقا دا قۇرالدارمەن جۇرگىزىلەدى.
قازاقستان رەسپۋبليكاسىنىڭ ازاماتتىق اۋە كەمەلەرىنىڭ ۇشۋىن
ورنيتولوگيالىق قامتاماسىز ەتۋ قاعيدالارىنا 1-قوسىمشا
نىسان
اۋەايلاقتاعى ورنيتولوگيالىق جاعداي جۋرنالى
كۇنى____________________________________ وقيعا ۋاقىتى __________________________________________
اك ۇلگىسى_______________________________________ اك № ___________________________________________
اۆياكومپانيا _________________________________ رەيستىڭ № ______________________________________
بولعان وقيعا تۋرالى كىم حابارلادى: ______________________________________________________________
ۇقج قۇستاردىڭ قانداي قالدىقتارى تابىلدى:______________________________________________________
تابىلعان ورىندارى (ۇقج وسىنە جانە تاياۋ جەردەگى رج قاتىستى): ______________________________________
ۇشۋ كەزەڭدەرى (بيىكتىگى, جىلدامدىعى, ۇشۋ-قونۋ): ____________________________________________________
قۇستاردىڭ تۇرلەرى جانە سانى: ___________________________________________________________________
قۇستاردىڭ اك-گە سوقتىعىسقان ورنى: ______________________________________________________________
زاقىمدانۋ:_____________________________________________________________________________________
ەكيپاج مالىمەتتەرى: ___________________________________________________________________________
ۇقج جۇمىس كۋرسى: _____________________________________________________________________________
ۇقج سوڭعى قارالعان ۋاقىتى: ____________________________________________________________________
وقيعا بولعان ساتتەگى ورنيتولوگيالىق جاعداي: _______________________________________________________
مەتەوجاعداي: ___________________________________________________________________________________
رەيستى ورىنداۋ ءۇشىن سالدارى: ___________________________________________________________________
ەسكەرتپە:
ت.ا.ءا. (بار بولسا)______________________
20__جىل «__»__________قولى _____________
قازاقستان رەسپۋبليكاسىنىڭ ازاماتتىق اۋە كەمەلەرىنىڭ ۇشۋىن
ورنيتولوگيالىق قامتاماسىز ەتۋ قاعيدالارىنا 2-قوسىمشا
نىسان
اۋەايلاقتا قۇستاردىڭ شوعىرلانۋى انىقتالعان جاعدايدا قىزمەتتەردىڭ جەدەل ءوز ارا ءىس-قيمىل
سىزباسى
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 22 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11724 بولىپ ەنگىزىلدى.